2015 jylǵy 29 sáýir, Astana, Úkimet Úıi
Maqta talshyǵyna baǵa belgileý qaǵıdalaryn (ádistemesin) bekitý týraly
«Transferttik baǵa belgileý týraly» 2008 jylǵy 5 shildedegi Qazaqstan Respýblıkasy Zańynyń 10-baby 10-tarmaǵynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Maqta talshyǵyna baǵa belgileý qaǵıdalary (ádistemesi) bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV
Qazaqstan Respýblıkasy Úkimetiniń
2016 jylǵy 29 sáýirdegi №255 qaýlysymen bekitilgen
Maqta talshyǵyna baǵa belgileý qaǵıdalary (ádistemesi)
1. Jalpy erejeler
1. Osy Maqta talshyǵyna baǵa belgileý qaǵıdalary (ádistemesi) (budan ári – Qaǵıdalar) «Transferttik baǵa belgileý týraly» 2008 jylǵy 5 shildedegi Qazaqstan Respýblıkasynyń Zańyna sáıkes ázirlendi jáne maqta talshyǵyna arnalǵan mámilelerdiń (ótkizýdiń) baǵasyn aıqyndaý (esepteý) tártibin belgileıdi.
2. Osy Qaǵıdalar onyń 7-9-tarmaqtarynda kórsetilgen elderge maqta talshyǵyn jetkizýge qoldanylady. Basqa jaǵdaılarda salyq salý obektilerin jáne (nemese) salyq salýǵa baılanysty obektilerdi túzetý «Transferttik baǵa belgileý týraly» 2008 jylǵy 5 shildedegi Qazaqstan Respýblıkasynyń Zańynda belgilengen tártippen júrgiziledi.
3. Osy Qaǵıdalarda paıdalanylatyn termınder jáne anyqtamalar:
1) agent – maqta talshyǵyn satyp alýshyny izdeý jónindegi deldaldyq qyzmetterdi júzege asyratyn treıder agenti;
2) aqparat kózinen alynǵan baǵa – Qaǵıdalarda aıqyndalǵan aqparat kózinen alynǵan maqta talshyǵynyń baǵasy;
3) aqparat kóziniń qoldanylý óńiri (budan ári – AKQО́) – osy aqparat kózinen alynǵan derekterge qaraı maqta talshyǵyna naryqtyq baǵa belgilenetin geografııalyq aýmaq;
4) aldyn ala tólem – jetkiziletin taýardyń tólemi ony jetkizý sátine deıin júrgiziletin forvardtyq kelisimshart talaptary;
5) bazalyq port – tıisti AKQО́ úshin júkti aýystyryp tıeýdiń nemese mejeli bazalyq port;
6) bazalyq stansııa – tıisti AKQО́ úshin júkti aýystyryp tıeý, ótkizý nemese mejeli bazalyq temirjol stansııasy;
7) jol beriletin aýytqý – mámile baǵasynyń naryqtyq baǵadan jol beriletin aýytqýy;
8) qysqa merzimdi kelisimshart – 50 paıyzdan kem aldyn ala tólemdi alý shartymen maqta talshyǵyn eksporttaýshymen jasalǵan jáne (nemese) qoldanylý merzimi 3 aıdan kem bolatyn kelisimshart;
9) mámile baǵasy – kelisimshartta jáne taýarǵa ilespe qujattarda aıqyndalǵan, ol boıynsha maqta talshyǵyn naqty ótkizý júrgizilgen maqta talshyǵynyń baǵasy;
10) naryqtyq baǵa – dıfferensıaldy eskere otyryp túzetilgen aqparat kózinen alynǵan baǵa;
11) satyp alýshy – eksporttaýshydan maqta talshyǵyn satyp alatyn jeke nemese zańdy tulǵa (Qazaqstan Respýblıkasynyń beırezıdenti);
12) treıder – taýarlardy satyp alý-satý, jumystardy oryndaý, qyzmetterdi kórsetý kezinde óz betinshe jáne (nemese) mámilege qatysýshynyń tapsyrmasy boıynsha deldaldyq fýnksııalardy júzege asyratyn tulǵa;
13) forvardtyq kelisimshart – 50 paıyz jáne odan kóp aldyn ala tólemdi alý shartymen maqta talshyǵyn eksporttaýshymen jasalǵan jáne qoldanylý merzimi keminde 3 aı bolatyn kelisimshart;
14) eksporttaýshy – Qazaqstannan maqta talshyǵyn eksporttaıtyn jeke nemese zańdy tulǵa (Qazaqstan Respýblıkasynyń rezıdenti);
15) ekspedıtor – dıfferensıaldyń kóliktik quramdas bóligine kiretin, qandaı da bir jumystar nemese kórsetiletin qyzmetter túriniń quny týraly derekterdi usynatyn ekspedıtorlyq kompanııa.
4. Osy Qaǵıdalarda maqta talshyǵynyń naryqtyq baǵasyn aıqyndaý úshin mynadaı aqparat kózderi paıdalanylady:
1) «Sena Daıdjest» jýrnaly jáne «Senovaıa ınformasııa» bıýlleteni («Sena Daıdjest» jýrnalyna qosymsha), («Sena-Inform» JShQ, Reseı Federasııasy);
2) «Cotton Outlook» jýrnaly («Cotlook Limited» aqparat agenttigi, Ulybrıtanııa);
3) Thomson Reuters EIKON jýrnaly («Thomson Reuters» aqparat agenttigi, Ulybrıtanııa).
2. Aqparat kózderiniń qoldanylý óńirleri
5. AKQО́-ni aıqyndaý eksporttaýshynyń júk keden deklarasııasynda jáne taýarǵa ilespe qujattarda kórsetilgen júk alýshynyń derekteri negizinde maqta talshyǵynyń árbir jetkizilimi boıynsha jeke júrgiziledi.
6. Árbir AKQО́-de maqta talshyǵynyń naryqtyq baǵasy atalǵan aqparat kózinde jarııalanatyn baǵaǵa qaraı aıqyndalady.
7. «Sena Daıdjest» jýrnaly men «Senovaıa ınformasııa» bıýlleteni kózderi úshin aqparat kóziniń qoldanylý óńiri myna elder bolyp tabylady: Reseı Federasııasy, Belarýs Respýblıkasy, Moldova Respýblıkasy, Ýkraına jáne Latvııa Respýblıkasy.
8. «Cotton Outlook» jýrnaly kózi úshin aqparat kóziniń qoldanylý óńiri Ońtústik Shyǵys Azııa elderi bolyp tabylady.
9. Thomson Reuters EIKON jýrnaly kózi úshin aqparat kóziniń qoldanylý óńiri Eýropa elderi (basqa AKQО́-de kórsetilgenderdi qospaǵanda) bolyp tabylady.
3. Aqparat kózderinen alynǵan baǵalardy qoldaný
10. Qazaqstandyq maqta talshyǵynyń naryqtyq baǵasyn aıqyndaý úshin osy Qaǵıdalarda aıqyndalǵan baǵalar paıdalanylady.
11. Maqta talshyǵynyń quny aqparat kózinde 1 tonna taza salmaǵy úshin Amerıka Qurama Shtattarynyń (budan ári – AQSh) dollarymen emes, basqa shamalarmen kórsetilgen jaǵdaılarda, aqparat kózinen alynǵan baǵa 1 tonna úshin maqta talshyǵynyń quny AQSh dollarymen kórsetiletindeı etip, qaıta esepteledi.
12. Aqparat kózinen alynǵan baǵany mámile baǵasyna sáıkestendirý úshin aqparat kózinen alynǵan baǵa dıfferensıal arqyly túzetiledi. Árbir aqparat kóziniń óz dıfferensıal quraýshylary bar.
13. Mámile baǵasy árbir jetkizilim boıynsha jeke aıqyndalady jáne tıisti AKQО́-de jáne jetkizý kezeńinde qoldanylatyn tıisti kózden alynǵan baǵamen salystyrylady.
4. Maqta talshyǵynyń baǵasyn aıqyndaý tártibi
«Sena Daıdjest» jýrnaly men «Senovaıa ınformasııa»
bıýlleteni aqparat kózinen maqta talshyǵynyń baǵalaryn aıqyndaý tártibi
14. Qazaqstandyq maqta talshyǵynyń naryqtyq baǵalaryn aıqyndaý úshin Reseı Federasııasyna ımporttalatyn maqta talshyǵyna «Sena Daıdjest» jýrnalynda jáne «Senovaıa ınformasııa» bıýlleteninde kórsetilgen «Syrtqy saýda baǵalary» paıdalanylady.
15. «Sena Daıdjest» jýrnalynda jáne «Senovaıa ınformasııa» bıýlleteninde jarııalanǵan baǵa atalǵan basylymda kórsetilgen kezeńge qoldanylady.
16. Qysqa merzimdi kelisimsharttar boıynsha maqta talshyǵynyń naryqtyq baǵasy maqta talshyǵyn tıep-jóneltý kezeńinde qoldanysta bolǵan aqparat kózinen alynǵan baǵaǵa baılanysty aıqyndalady.
17. Forvardtyq kelisimsharttar boıynsha maqta talshyǵynyń naryqtyq baǵasy kelisimshartty jasaý sátinde qoldanysta bolǵan aqparat kózinen alynǵan baǵalarǵa baılanysty aıqyndalady. Kórsetilgen baǵa atalǵan forvardtyq kelisimshart boıynsha búkil jetkizý merzimi ishinde, biraq kelisimshart boıynsha birinshi jetkizý kúninen bastap alty aıdan artyq emes qoldanysta bolady. Forfardtyq kelisimshart boıynsha jetkizý merzimi alty aıdan asyp ketken jaǵdaıda, kelisilgen ýaqyt sheginen asyp ketken jetkizýler boıynsha baǵalar maqta talshyǵyna menshik quqyǵy ótken kezeńde qoldanysta bolǵan aqparat kózinen alynǵan baǵalar boıynsha anyqtalady.
18. Qazaqstandyq maqta talshyǵynyń naryqtyq baǵasyn anyqtaý maqsatynda «Taralmaǵan maqta talshyǵy» taqyrybynda kórsetilgen, Táýelsiz Memleketter Dostastyǵynan (budan ári – TMD) Reseı Federasııasyna ákelinetin maqta talshyǵynyń ortasha ólshemdi baǵasy esepteledi.
19. TMD-dan ákelinetin maqta talshyǵynyń ortasha ólshemdi baǵasy myna formýla boıynsha esepteledi: AKB = (Q1 + Q2 +…) / (K1 + K2 +…), munda:
AKB – aqparat kózinen alynǵan baǵa;
Q1, Q2… – «Quny, AQSh dollary» baǵanynda kórsetilgen baǵyttar boıynsha TMD elderinen ákelingen maqta talshyǵynyń jıyntyq quny;
K1, K2… – «Kólemi» baǵanynda kórsetilgen baǵyttar boıynsha TMD elderinen ákelingen maqta talshyǵynyń jıyntyq kólemi.
«Cotton Outlook» jýrnaly aqparat kózinen
maqta talshyǵynyń baǵasyn aıqyndaý tártibi
20. Qazaqstandyq maqta talshyǵynyń naryqtyq baǵalaryn aıqyndaý úshin www.cotlook.com (AQSh) saıtyndaǵy baǵalar paıdalanylady.
21. «Cotton Outlook» jýrnaly aqparat kózinde jarııalanǵan maqta talshyǵynyń baǵasy jarııalaý kúninen bastalatyn jáne kelesi jarııalaý aldyndaǵy kúni aıaqtalatyn ýaqyt kezeńinde qoldanylady.
22. Maqta talshyǵynyń naryqtyq baǵasyn anyqtaý úshin aǵymdaǵy jyldyń egin shyǵymy úshin kórsetilgen baǵalar paıdalanylady.
23. Aqparat kózinen alynǵan baǵa 0,987 koeffısıentine kóbeıtilgen «A» ındeksi retinde aıqyndalady.
24. Aqparat kózinen alynǵan baǵa 22,0463-ke teń «fýnt úshin sentten» «tonna úshin dollarǵa» aýdarý koeffısıentine kóbeıtiledi.
25. Baǵa maqta talshyǵyna menshik quqyǵynyń aýysý kúnine aıqyndalady.
«Thomson Reuters EIKON» jýrnaly aqparat kózinen
maqta talshyǵynyń baǵalaryn aıqyndaý tártibi
26. Qazaqstandyq maqta talshyǵynyń naryqtyq baǵasyn aıqyndaý úshin http://baumwollboerse.de/en (Germanııa Federatıvtik Respýblıkasy) saıtyndaǵy baǵalar paıdalanylady.
27. «Thomson Reuters EIKON» jýrnaly aqparat kózinde jarııalanǵan maqta talshyǵynyń baǵasy osy jarııalaý kúninen bastalatyn jáne kelesi jarııalaý aldyndaǵy kúni aıaqtalatyn ýaqyt kezeńinde qoldanylady.
28. «Thomson Reuters EIKON» baǵalary boıynsha qazaqstandyq maqta talshyǵynyń naryqtyq baǵasyn esepteý úshin CIF-Bremenniń (Germanııa Federatıvtik Respýblıkasy) jetkizýi sharttarymen jarııalanatyn COT BRE CIS SM (Mid Price Close) jáne COT BRE CIS M (Mid Price Close)-den alynǵan ortasha baǵa paıdalanylady. Kórsetilgen baǵalar bolmaǵan jaǵdaıda COT BRE SP SM (Mid Price Close) ortasha baǵasy paıdalanylady.
29. Eger qandaı da bir ýaqyt kezeńinde «Thomson Reuters EIKON» jýrnaly jarııalanymdarynda TMD elderinen alynǵan maqtanyń baǵalary bolmasa, onda naryqtyq baǵany esepteý úshin sońǵy baǵa paıdalanylatyn bolady.
30. Aqparat kózinen alynǵan baǵa 22,0463-ke teń «fýnt úshin sentten» «tonna úshin dollarǵa» aýdarý koeffısıentine kóbeıtiledi.
31. Baǵa maqta talshyǵyna menshik quqyǵynyń aýysý kúnine aıqyndalady.
5. Dıfferensıaldy aqparat kózderi boıynsha aıqyndaý tártibi
Dıfferensıaldy esepteýdiń jalpy sharttary
32. Dıfferensıaldyń quramdas bólikteri qujat túrinde, onyń ishinde taýardy jetkizýmen jáne ony ótkizýmen baılanysty shyǵystardy baptar boıynsha naqtylaı otyryp, kelisimsharttarmen, tólem qujattarymen jáne (nemese) ekspedıtordyń derekterin qosa alǵanda aqparat kózderimen rastalady.
33. Kelisimshart boıynsha satyp alýshy jeńildetilgen salyq júıesi bar memlekette tirkelgen zańdy tulǵa bolyp tabylatyn mámileler boıynsha dıfferensıal qoldanylmaıdy.
Dıfferensıaldy esepteý tártibi
34. Dıfferensıal barlyq quramdas bólikterdi qosý arqyly kelesi formýla boıynsha esepteledi:
D = KSh + J + TK + AK, munda:
D – dıfferensıal,
KSh – kólik shyǵystary,
J – sapasy bazalyqtan erekshelenetin maqta talshyǵyna qoldanylatyn sapa jónindegi jeńildikter,
TK – treıderdiń komıssııasy,
AK– agenttiń komıssııasy.
Eskertpe: eger qandaı da bir aqparat kózine qatysty osy Qaǵıdalarda dıfferensıaldyń qandaı da bir quramdas bóligin qoldaný kózdelmese, onda «D» esepteý kezinde mundaı quramdas bólik eskerilmeıdi.
35. KSh shamasy (kóliktik shyǵystar) maqta talshyǵyn ony jıyp-qoıý ornynan aqparat kózinde belgilengen jetkizý bazısine deıin tasymaldaýmen baılanysty shyǵystardy qosý arqyly esepteledi.
36. Maqta talshyǵyn jetkizý sharttaryna qaraı KSh-ǵa mámile shartymen jáne tıisti AKQО́ úshin kórsetilgen bazalyq stansııaǵa nemese bazalyq portqa maqta talshyǵyn jetkizý sharttarymen baılanysty, qujat túrinde jáne/nemese aqparat kózderimen negizdelgen jáne rastalǵan satyp alýshynyń shyǵystary kiredi, oǵan:
1) Keden odaǵynyń sheginen tys ótkiziletin maqta talshyǵyna kedendik bajdardy, tólemderdi jáne alymdardy tóleý boıynsha shyǵystar;
2) maqta talshyǵyn fıtosanıtarııalyq resimdeý boıynsha shyǵystar;
3) taýardy bazalyq stansııaǵa nemese bazalyq portqa deıin tasymaldaý shyǵystary (júkti ekspedısııalaý, bos vagondardy qaıtarý, taýardy aýystyryp tıeý, vagondardy basqa mekenjaıǵa jiberý, stansııalyq alymdar boıynsha shyǵystardy qosa alǵanda);
4) saqtandyrý júzege asyrylǵan bolsa, taýardy saqtandyrý boıynsha shyǵystar qosylady.
37. Kelisimshart boıynsha jetkizý bazısine qaraı satýshynyń keıbir shyǵystary dıfferensıaldyń quramdas bóligi bolyp tabylmaýy múmkin.
38. J máni (maqta talshyǵynyń sapasy boıynsha jeńildikter) aqparat kózi baǵasynan mynadaı formýla boıynsha esepteledi:
J = AKB * SJ, munda:
J – maqta talshyǵynyń sapasy boıynsha jeńildik,
AKB – aqparat kózinen alynǵan baǵa,
SJ – suryptyq jeńildik, ol mynadaı mánderge ıe: 1-suryp úshin – jeńildik joq, 2-suryp úshin – 4 %; 3-suryp úshin – 7 %; 4-suryp úshin – 15 %; 5-suryp úshin – 40 %.
39. TK máni (treıderdiń komıssııasy) aqparat kózi baǵasynan 2 % kóleminde qabyldanady.
40. AK máni (agenttiń komıssııasy) aqparat kózi baǵasynan 1 % mólsherinde qabyldanady.
«Sena Daıdjest» jýrnaly jáne «Senovaıa ınformasııa»
bıýlleteni AKQО́ boıynsha dıfferensıaldy aıqyndaý tártibi
41. Atalǵan aqparat kózi boıynsha dıfferensıal Qazaqstan Respýblıkasyndaǵy tıeý stansııasynan Ozınkı (Reseı Federasııasy) temirjol stansııasyna deıin eseptelgen kólik shyǵystarynan turady.
«Cotton Outlook» jýrnaly AKQО́ boıynsha
dıfferensıaldy aıqyndaý tártibi
42. Atalǵan aqparat kózi boıynsha dıfferensıal:
1) CF-mejeli port jetkizý sharttarymen tıeý stansııasynan Chıtagong (Bangladesh Halyq Respýblıkasy) bazalyq mejeli portyna deıin eseptelgen kóliktik shyǵystardan turady. Jetkizip berý Vladıvostok (Reseı Federasııasy) aýystyryp tıeý bazalyq portyna deıin jabyq temirjol vagondarymen jáne ári qaraı Chıtagong (Bangladesh Halyq Respýblıkasy) portyna deıin teńiz kóligimen júrgiziledi;
2) maqta talshyǵynyń sapasy boıynsha jeńildikterden;
3) treıderdiń komıssııasynan;
4) agenttiń komıssııasynan turady.
«Thomson Reuters EIKON» jýrnaly AKQО́ boıynsha
dıfferensıaldy aıqyndaý tártibi
43. Atalǵan aqparat kózi boıynsha dıfferensıal:
1) CIF-Bremen (Germanııa Federatıvtik Respýblıkasy) jetkizý sharttarymen tıeý stansııasynan Bremen (Germanııa Federatıvtik Respýblıkasy) qalasy stansııalarynyń birine deıin eseptelgen kólik shyǵystarynan turady. Tasymaldaý marshrýty: jabyq temirjol vagondarymen (nemese basqa kólik túrlerimen) tıeý stansııasynan Bremen qalasy stansııalarynyń birine deıin;
2) maqta talshyǵynyń sapasy boıynsha jeńildikterden;
3) treıderdiń komıssııasynan;
4) agenttiń komıssııasynan turady.
6. Mámile baǵasyn aıqyndaý kezinde jol beriletin aýytqýdy qoldaný tártibi
44. Maqta talshyǵyn satyp alý-satý kelisimsharttary úshin mámile baǵasynyń naryqtyq baǵadan 10 paıyzdan asyrylmaı aýytqýyna ruqsat beretin jol beriletin aýytqý qaǵıdasy qoldanylady.
Jol beriletin aýytqý árbir jetkizý boıynsha bólek esepteledi.
46. Naryqtyq baǵalary «Sena Daıdjest» jýrnaly jáne «Senovaıa ınformasııa» bıýlleteni aqparat kózinen alynǵan baǵadan esepteletin maqta talshyǵy jetkizilimderine ruqsat etilgen aýytqý tártibi qoldanylmaıdy.
7. Mámile (ótkizý) baǵasyn naryqtyq baǵamen salystyrý tártibi
47. Qazaqstandyq maqta talshyǵynyń naryqtyq baǵasy bylaısha esepteledi:
NB = AKB - D, munda
NB – qazaqstandyq maqta talshyǵynyń naryqtyq baǵasy;
AKB – aqparat kóziniń qoldanylý óńirine sáıkes aqparat kózinen alynǵan maqta talshyǵynyń baǵasy;
D – dıfferensıal.
Kelisimshart boıynsha satyp alýshy jeńildikti salyq salý qoldanylatyn memlekette tirkelgen zańdy tulǵa bolyp tabylatyn mámileler boıynsha dıfferensıal qoldanylmaıdy.
48. Maqta talshyǵynyń mámile baǵasy qazaqstandyq maqta talshyǵynyń naryqtyq baǵasynan 10 paıyzdan artyq aýytqymaýǵa tıis.
Naryqtyq baǵa men jol berilgen aýytqý arasyndaǵy aıyrmashylyq mámile baǵasynan tómen bolǵan (MB ≥ NB – JA) jaǵdaılarda, mámile baǵasyna jol berilgen dep tanylady. Naryqtyq baǵa men jol berilgen aýytqý arasyndaǵy aıyrma mámile baǵasynan joǵary bolǵan (MB < NB – JA) jaǵdaılarda, mámile baǵasyna jol berilmegen dep tanylady, munda:
MB – satyp alýshyǵa menshik quqyǵy ótken kúndegi maqta talshyǵynyń mámile baǵasy;
NB – satyp alýshyǵa menshik quqyǵy ótken kúndegi maqta talshyǵynyń naryqtyq baǵasy;
JA – 10%-ǵa teń jol beriletin aýytqý.
Eskertpe: Naryqtyq baǵasy «Sena Daıdjest» jýrnaly jáne «Senovaıa ınformasııa» bıýlleteni «aqparat kózinen alynǵan baǵalardan esepteletin maqta talshyǵy jetkizilimderine JA = 0.